Астанада жосықсыз құрылыс салушылардың мүлкі тәркіленді

Елорда прокуратурасы мемлекет пайдасына жосықсыз құрылыс салушылардың мүлкін тәркіледі, деп хабарлайды Azattyq Ruhy.

Астана қаласының прокуратурасы хабарлағандай, ден қою актілері негізінде мемлекет меншігіне жосықсыз құрылыс салушылардың жер учаскесімен бірге 5 қабатты ғимарат, 7 тұрғын емес үй-жайлар өтті.

«Бұл шаралар проблемалық объектілерді салуға жұмсалған бюджет қаражатын толықтыруға мүмкіндік берді. 7 талап қою арқылы 100-ден астам үлескердің құқығы қорғалды», - деді ведомство өкілдері.

Алданған азаматтардың объектілері құрылыс салушылардан тұрғын үй-құрылыс кооперативтеріне берілді, бұл олардың құрылысын жалғастыруға мүмкіндік береді.