Ауылдағы ағайынның мал өсіріп, егін егуіне жағдай жасау керек – Е. Қошанов
Мәжіліс спикері бұл туралы ұлттық арнаға берген сұхбаты барысында айтты
ҚР Парламенті Мәжілісінің спикері, «AMANAT» партиясының төрағасы Ерлан Қошанов «Qazaqstan» арнасындағы «Бас тақырып» бағдарламасына сұхбат беріп, Мемлекет басшысының Жолдауында көтерілген мәселелердің өзектелігі жөнінде сөз қозғады, деп хабарлайды Azattyq Rýhy.
Сұхбат барысында Ерлан Қошанов ауыл тұрғындарының табысын көтеруге бағытталған «Ауыл аманаты» жобасының аясында атқарылған істер және халық игілігін көріп жатқан 2,5% несие туралы айтты.
Одан бөлек, Мәжіліс спикері ауылдағы ағайынға мал өсіріп, егін егу үшін жағдай жасалу керек екенін атап өтті.
Оның айтуынша, пайдаланылмай жатқан, заңсыз берілген жерді мемлекет меншігіне қайтаруды мақсат еткен «Жер аманаты» комиссиясы 8 млн га жерді қайтаруға ықпал етті. Бұл бағыттағы жұмыс жалғасады.
