Алматыда коронавирус жұқтырған тағы екі адам ауруынан айықты

Алматыда коронавирутан тағы екі адам жазылып шықты. Қауіпті індетті жеңгендер – 58 жастағы азамат пен 25 жастағы жігіт. Екеуіде вирусты шетелден жұқтырып келген. 

«Екі ер адам бүгін жұқпалы аурулар ауруханасынан шығарылды. 1962 жылы туған азамат 13 наурызда Берлин-Минск-Алматы чартерлік рейсімен келген болатын. 1995 жылы туған жігіт 15 наурызда Сеул-Алматы рейсімен келген», - деді қалалық қоғамдық денсаулық сақтау басқармасының басшысы Тілеухан Әбілдаев.

Қазіргі таңда мегаполистен бес науқас сауығып шықты. Олардың арасында 12 жастағы бала да бар. Емі жоқ індеттен айыққандардың барлығы 14 күн медицина қызметкерлерінің бақылауында үй карантинінде болады.