Астық мәмілесі: Путин мен Ердоған келісімге келе алмады

Ресей мен Түркия президенттері Украинамен астық келісімін жаңарту туралы келіссөздерінде айтарлықтай нәтижеге қол жеткізе алған жоқ, деп хабарлайды Azattyq Ruhy агенттігі Еuronews-ке сілтеме жасап.

Шілдеде Мәскеу күшін жойған келісім Украина мен Ресейге астықты өз кемелеріне шабуыл жасау қаупінсіз экспорттауға мүмкіндік берген еді. Бірақ Владимир Путин көптен бері Батыстың келісімді орындамай жатқанына шағымданып келді. Оның айтуынша, егер Батыс өз міндеттемелерін орындаса, келісім қайта жаңаруы мүмкін.

«Бұрын да бірнеше рет айтқанымдай, біз осындай шешім қабылдауға мәжбүр болдық, яғни Ресейді мәжбүрледі, өйткені Батыс елдері ресейлік ауылшаруашылық өнімдері үшін әлемдік нарықтың қолжетімділігін қамтамасыз ету тұрғысынан «астық мәмілесін» жүзеге асыруға тосқауыл қойды және әлі де кедергі жасауды жалғастырып келеді. Олар біздің астық пен тыңайтқыш экспортымыздан санкцияны алып тастаудан, Ресейге ауылшаруашылық техникасы мен қосалқы бөлшектерін жеткізуді қалпына келтіруден, логистика мен кеме тасымалындағы, банктік қызметтер мен азық-түлікті сақтандыруға қатысты қиындықтарды болдырмаудан бас тартып отыр», - деді Путин.

Оның айтуынша, Ресей Африканың алты еліне тегін астық жеткізуді аяқтауға жақын. Қара теңіз келісіміне делдалдық жасауға көмектескен Режеп Тайып Ердоған бұл келісім жалғыз ғана қолайлы шешім болып қала береді деді.

«Күн тәртібіне шығарылған балама ұсыныстар Қара теңіз бастамасымен салыстырылатын тараптар арасындағы ынтымақтастыққа негізделген тұрақты, қауіпсіз және тұрақты үлгі ұсына алмады», - деді Ердоған.

Ресей мен Украина әлемдегі ең ірі астық экспорттаушылардың бірі саналады және олар жүргізіп жатқан келісім көптеген дамушы елдің азық-түлік қауіпсіздігі үшін маңызды болып отыр.