Ресейдің Внуково әуежайында Өзбекстан азаматының іш киімінен жасырылған гаухар тастар табылды

Өзін БАӘ авиакомпаниясының қызметкері ретінде таныстырған Өзбекстан азаматы Внуководағы кеденде құны 5 миллион рубльден асатын гауһар тастардың контрабандасында ұсталды, деп хабарлайды Azattyq Ruhy РИА Новости ақапараттық агенттігіне сілтеме жасап.

Федералды кеден қызметінің хабарлауынша, БАӘ-ден ұшып келген 39 жастағы Өзбекстан азаматының багажын сканерлеу кезінде кеден қызметкерлері көптеген электронды құрылғылар мен 40 асыл тастар сертификаттарын тапқан.

«Ер адам бақылаудан жасырылған тауарларды өз еркімен тапсыру туралы ұсынысқа ол жоқ деп жауап берді. Алайда, азаматты жеке тексеру нәтижесінде кеден қызметкері іш киімінен мөлдір тастар мен 62 мөлдір және көк түсті ірі тастар бар жасырын қалташаны тапты. Зергерлік бұйымдар таспамен оралған үш полимерлі пакетке салынған», - деп хабарлады баспасөз қызметі.

Аталған тастардың құны 5 миллион рубльден асады.

Сараптама нәтижесінде табылған заттардың гауһар тастар екені расталды.

«Қазір аталған азаматқа қатысты стратегиялық маңызды тауарлар мен ресурстардың контрабандасы туралы қылмыстық іс қозғалды (Ресей Федерациясының Қылмыстық кодексінің 226.1-бабының 1-бөлігі). Санкция баптары 7 жылға дейін бас бостандығынан айыру жазасын қарастырады. Сонымен қатар, жолаушы кедендік төлемдерден жалтарғаны үшін жазаға тартылады (Ресей Федерациясының Қылмыстық кодексінің 194-бабы), бірақ «егер сараптама өзі өткізетін электрондық құрылғыларды жеке пайдалануға арналмаған жаңа тауарлар деп таныса. Қазіргі уақытта сот шешімі бойынша Өзбекстан азаматына қамауға алу түріндегі бұлтартпау шарасы таңдалды», - деп нақтылайды кеден қызметкерлері.