Кішкентай қызға оқ атты деп айыпталған әскери қызметкер сот алдында жауап бермек
Алматы гарнизонының әскери соты Айкөркем Мелдеханның өліміне қатысты қылмыстық істі қарауды бастады, деп хабарлайды Azattyq Ruhy.
«Алматы гарнизонының әскери соты әскери қызметші А.И. Жұманның қару қолданумен билікті асыра пайдаланып кәмелетке толмаған Айкоркем Мелдеханның өліміне әкеп соқтырғаны туралы (ҚР ҚК 451-бабы 2-бөлігінің 1-тармағы) қылмыстық істі қарауды бастады», - деп атап өтті Бас әскери прокуратураның баспасөз қызметі.
Сот отырысы 26 шілдеге жоспарланған.
«Процестің өзі Іс материалдарында жарияға жатпайтын құпия құжаттардың болуына байланысты жабық режимде өтеді. Қорғану тарапы да, жәбірленуші тарап та тиісті заң көмегімен қамтамасыз етілген, қорғаушылары бар. Қылмыстық процеске қатысушылардың арызы бойынша оларға мемлекеттік құпияларға рұқсат ресімделген», - делінген хабарламада.
Ведомство атап өткендей, сондай-ақ қайтыс болған кәмелетке толмаған Айкоркем Мелдеханның әкесі Айдос Мелдеханға мемлекеттік құпияларға рұқсатты рәсімдеу бірнеше рет ұсынылған.
«Алайда Айдос Мелдехан рұқсат жасаудан бас тартты. Оған мемлекеттік құпияларға рұқсат беруден бас тартудың салдары ескертілді», - делінген хабарламада.
Айыптау А. Жұманның іс-әрекетінің заңсыздығын растайтын қылмыстық іс материалдарына тіркелген (куәгерлердің айғақтары, сараптамалардың қорытындылары және басқа да дәлелдемелер) дәлелдермен қатаң негізделеді.
«Қазіргі уақытта басты сот талқылауы тағайындалды, оның барысында барлық жиналған дәлелдемелер зерттеліп, баға беріледі. Сот талқылауының барысы туралы жұртшылық жария етуге рұқсат етілген көлемде хабардар етілетін болады. Осыған байланысты тек ресми дереккөздерге сенуді сұраймыз», - деді Бас әскери прокуратура өкілдері.
Қылмыстық істі қарау барысы Бас әскери прокуратураның бақылауына алынған.
Еске салайық, қайғылы оқиға 2022 жылдың 7 қаңтарында болған. Алматыда Сейфуллин мен Сәтбаев көшелерінің қиылысында бір үйдің балалары отыр көлікке әскерилер тарапынан оқ жаудырылған. 4 жасар Айкөркем Мелдехан оқиға орнында қаза болды. Оның 15 жастағы әпкесі оқ жарақатымен ауруханаға түсіп, күрделі ота жасалды.