Құрылыс салушыларға айыппұл салынды
Қарағандыда сот шешімімен 10 тұрғын үй кешенінің құрылысы тоқтатылды. Құрылыс салушылар рұқсат құжаттарынсыз жұмысқа кіріскен. Жоспардан тыс тексеруді Мемлекеттік сәулет-құрылыс бақылауы басқармасы жүргізді, деп хабарлайды Azattyq Rýhy.
«Деректер бізге берілген соң, 10 компанияға жоспардан тыс тексеру жүргізіп, заң бұзушылықтар туралы сотқа шағым түсірдік. Құрылыс салушылар ҚР ӘҚБтК-нің 314-баб «Жобалық құжаттамасыз құрылыс», 321-бабы «Авторлық-техникалық қадағалаусыз құрылыс жүргізу» және 463-бабы «МСҚБ талон-хабарламасысыз құрылыс жүргізу» бойынша әкімшілік жауапкершілікке тартылды. Барлығына айыппұл салынды», - деді Мемлекеттік құрылыс инспекторы Думан Қасымжанов.
Егер ескертулер жойылмаса, нысан пайдалануға жіберілмейді және ол қабылдау актісін алмайды.