Үндістанда лай көшкінінен кем дегенде 10 адам қаза болды

Автор: Мира Байбек

100-ден астам адам үйінді астында қалуы мүмкін

Үндістанның Махараштра штатындағы лай көшкінінен кейін кем дегенде 10 адам қаза тапты, 100-ден астам адам үйінді астында қалуы мүмкін, деп хабарлайды Azattyq Ruhy.

Бұл туралы NDTV арнасы мәлім етті.

Бұған дейін 5 адам қаза тауып, 30-дан астам адам із-түзсіз жоғалып кеткені хабарланған болатын.

Оқиға бейсенбі күні Раигад ауданындағы Ирсалвади ауылында болған. Нөсер жаңбыр салдарынан тау бөктеріндегі топырақ сырғып, төменде орналасқан үйлерді басып қалған.

Арнаның хабарлауынша, лай көшкіні 30 шақты үйді басып қалған. Әзірге 75 адам құтқарылды.