Республика бойынша төтенше өрт қаупі сақталады
Синоптиктер 13-15 шілде аралығына арналған ауа райы болжамын жариялады, деп хабарлайды Azattyq Ruhy.
«Қазгидромет» РМК мәліметінше, алдағы күндері елдің шығысында, 13 шілдеде оңтүстікте, оңтүстік-шығыста, Қазақстанның орталығында 45°С-қа дейін аптап ыстық болады.
Республика бойынша төтенше өрт қаупі сақталады.
«Күндіз ауа температурасы солтүстікте және орталықта +30°С-қа дейін, оңтүстік пен оңтүстік-шығыста +30+37°С-қа дейін төмендейді, республиканың батысында негізгі фон +25+35°С болады», - дейді синоптиктер.
Сондай-ақ республиканың басым бөлігінде найзағай ойнап, екпінді жел соғып, бұршақ жаууы мүмкін.
«14-15 шілдеде солтүстік-батыста, 15 шілдеде еліміздің солтүстігінде қатты жаңбыр жауады. Республиканың оңтүстігінде, оңтүстік-шығысында және оңтүстік-батысында күн ашық болады», - делінген хабарламада.