Жамбыл облысында заңсыз көші-қонды бизнеске айналдырғандар ұсталды
Заң бұзушылар қызметі үшін қомақты қаражат алған
Жамбыл облысында заңсыз көші-қонды бизнеске айналдырған Қырғыз және Қазақстан азаматтары ұсталды, деп хабарлайды Azattyq Rýhy Жамбыл аудандық прокуратурасына сілтеме жасап.
Жамбыл аудандық прокуратурасының нұсқауымен ауданның полиция бөлімі жеделіздестіру іс-шараларын жүргізіп, нәтижесінде заңсыз көші-қон ұйымдастырғандар ұсталды.
«Жамбыл ауданында Қазақстан Республикасының 20 жастағы азаматы мен Қырғыз Республикасының 26 жастағы азаматы үшінші тұлғалармен мәмілеге келе отырып, еңбек мигранттарын заңсыз өткізумен айналысқан», - дейді аудандық прокуратура.
Заң бұзушылар қызметі үшін қомақты қаражат алған
«Мәселен, ресми өткізу пункттерін айналып өтіп, мемлекеттік шекараны кесіп өтуге көмектескені үшін олар Қырғыз Республикасы мен Өзбекстан Республикасының азаматтарынан 300-500 АҚШ доллары көлемінде сыйақы алған. Алайда шетел азаматтарына өз елінен кетуге тыйым салынған, өйткені олардың дерегрі борышкерлер тізіміне енгізілген», - дейді ведомство.
Бұл факті бойынша ҚР ҚК 394-бабының 2-бөлігі «Заңсыз көші-қонды ұйымдастыру» және 392-бабының 1-бөлігі «ҚР мемлекет шекарасын қасақана заңсыз кесіп өту» бойынша қылмыстық іс қозғалды.
«Жамбыл аудандық сотының 26 шілдедегі үкімімен Қырғыз Республикасының азаматы 1 жыл 6 айға бас бостандығынан айырылып, Қазақстан Республикасының аумағына 5 жыл мерзімге дейін кіруіне шектеу қойылды», - деді аудандық прокуратура.
Ал Жасөркен ауылының тұрғынына қатысты қылмыстық іс тергеліп жатыр. Оның қорытындысы бойынша процестік шешім қабылданады.
