Абай облысындағы орман өрті оқшауланды – ТЖМ

Өрт толық жойылғанға дейін оқшауланған ошақтардың орындарына үнемі су төгіледі

Фото: t.me/qr_tjm

Абай облысындағы орман өрті оқшауланды, деп хабарлайды Azattyq Rýhy ҚР ТЖМ баспасөз қызметіне сілтеме жасап.

«2023 жылғы 14 маусымда сағат 21:00-де әуеден барлау және жедел жағдайды бағалау қорытындысы бойынша Абай облысындағы Семей орманы табиғи резерватының аумағындағы табиғи өрттің оқшауланғаны жарияланды», - делінген хабарламада.

Өрт толық жойылғанға дейін оқшауланған ошақтардың орындарына үнемі су төгу, сондай-ақ өрттің шетіне топырақ себу жүзеге асырылады.

Айта кетейік, Абай облысындағы орман өрті 8 маусымнан бері сөндіріліп жатыр. Өрт салдарынан 14 орманшы қаза тапты.

Мақалада

#орман өрті #ТЖМ #Абай облысы

Алдыңғы жаңалық

Абай облысында өртті сөндіруге 60-тан астам ТЖМ авиаторы жұмылдырылған