Австрияда анасы баласын ит жәшігіне қамап ұстаған. Ол адам өлтіруге оқталғаны үшін айыпталуда

Австрияда 32 жастағы әйел 12 жасар ұлын өлтіруге және азаптауға тырысқаны үшін тергеуге алынды, ол туған баласын ит жәшігіне қамап қойып, оны суықта ұстап, аш қалдырған, деп хабарлайды Azattyq Ruhy BBC Russian-ге сілтеме жасап.

Бұл іс бірнеше күн бұрын белгілі болды және елде наразылық толқынын тудырды.

Әйел қараша айынан бастап қамауда отыр. Әлеуметтік қызметкер дабыл қаққаннан кейін оны полиция бірден ұстаған.

Отбасынан бөлек тұратын баланың әкесі де полицияға жүгінді.

Полициядағылардың сөзінше, бала комадағы күйінде табылды, оның дене температурасы небәрі 26,8 градус болған. Бала шұғыл түрде ауруханаға жеткізілді, ал анасы келесі күні қамауға алынды.

Төменгі Австрия провинциясының полиция өкілі Йоханн Баумшлагердің айтуынша, әйел күн сайын балаға бірнеше рет суық су құйып, пәтердің терезелерін нөлден төмен ауа температурасында бірнеше сағат бойына ашық қалдырған.

Полиция өкілі баланың физикалық тұрғыдан қалпына келгенін, бірақ оның психологиялық жағдайы нашар екенін айтты.

Тергеу жаздың соңына дейін жалғасады деп күтілуде, содан кейін әйелге айып тағылады.