Таразда бес қабатты тұрғын үйден өрт шығып, 100 адам эвакуацияланды

Таразда бес қабатты тұрғын үйден өрт шығып, 100 адам эвакуацияланды, деп хабарлайды Azattyq Rýhy.

«16 сәуірде сағат 03:55-те Тараз қаласында Төле би көшесі, 4 мекенжайындағы бес қабатты тұрғын үйде 800 шаршы метр (ғимараттың жалпы ауданы 800 шаршы метр) алаңда шатыр өрті болды. ТЖД күшімен баспалдақпен 100 адам, оның ішінде 60 бала эвакуацияланды», - деп хабарлады Жамбыл облыстық ТЖД.

Өртті сөндіруге ТЖД-ның 54 қызметкері мен 13 техника жұмылдырылды.

Өрт таңғы сағат 05:12-де оқшауланып, сағат 05:42-де толық сөндірілді.

ТЖД мәліметінше, қаза тапқандар мен зардап шеккендер жоқ.

«Бүгінгі күні қала әкімінің тікелей тапсырмасымен өрттен зардап шеккен тұрғындарды №10 мектепке уақытша орналастыру жөнінде шешім қабылданды. Оқиғаға байланысты құрылған комиссия шығындарды заң аясында есептейді», - деп хабарлады Тараз қаласы әкімдігінің медиа орталығы.