Бүгін елімізде «Уылдырық» науқаны басталады

Уылдырық шашу кезеңінде балық қорының түрлерін сақтау мақсатында экология және табиғи ресурстар министрлігімен елімізде 5 сәуір мен 5 маусым аралығында «Уылдырық» балық қорғау науқаны өткізіледі, деп хабарлайды Azattyq Rýhy.

Ішкі істер минситрлігінің хабарлауынша, республиканың әр облысында өңірлік ерекшеліктерін ескере отырып тыйымның мерзімі белгіленген.

Құзырлы мемлекеттік органдардың қызметкерлері тыйым салынған кезде балық аулау, балық өнімін заңсыз сатып алу және сату, алып жүру фактілерін анықтауға назар аударады.

Аталмыш тыйымды бұзғаны үшін заңмен 10 нан 40 АЕК көлемінде айыппұл ретінде әкімшілік жауапкершілік (ҚР Әкімшілік құқық бұзушылық туралы кодекстің 383-бабы) және 3 жылға дейін бас бостандығынан айыру ретінде қылмыстық (ҚР Қылмыстық кодексінің 335-бабы) жауапкершілік қарастырылған.