«Біргеміз»: Димаш Құдайбергеннің жаңа әні жарыққа шықты

Бүгін әлемге әйгілі әнші Димаш Құдайбергеннің «Together» атты жаңа әні жарыққа шықты. Әнші бұл туралы желідегі парақшасында жариялады, деп хабарлайды Azattyq Rýhy.

Димаш Құдайбергеннің айтуынша, туындының әуенін әншінің бауыры Мансұр жазған және оны алғаш рет Алматыдағы концертінде бірге орындаған. Ал таяуда қарындасы Раушанмен бірге түсірілген бейнебаян көпшілікке жол тартады.

«Together» - бұл біз өмір сүріп жатқан қиын кезеңде махаббат пен үміттің хабары (...) Музыка бүкіл әлемді бір шаңыраққа біріктіреді, ал музыка бізбен бірге болса, жарқын болашаққа деген сенім мен өмірге деген сүйіспеншілік артады. Біз бірге болсақ, музыка әлемді шынымен өзгерте алады», - деп жазды әнші.