Түркия президенті Астық келісімінің ұзартылғанын хабарлады

Түркия президенті Режеп Тайып Ердоған Астық мәмілесінің ұзартылғанын хабарлады.

«19 наурызда аяқталатын астық мәмілесінің мерзімі ұзартылды. Біз екі тараппен (Ресей және Украина) өткізген келіссөздердің арқасында келісімнің жаңа мерзіміне ұзартуды қамтамасыз еттік», - деді ол.

Сонымен қатар, Ердоған өз сөзінде БҰҰ-ға астық келісімдерін ұзарту жөніндегі күш-жігері үшін алғыс айтты.

Айта кетейік, азық-түлік мәмілесі 2022 жылдың 22 шілдесінде Ыстамбұлда жасалды. Содан кейін Ресейдің Қорғаныс министрі Сергей Шойгу мен БҰҰ Бас хатшысы Антонио Гутерриш Ресейдің ауылшаруашылық өнімдері мен тыңайтқыштарын әлемдік нарыққа жеткізуге жәрдемдесу туралы Меморандумға қол қойды. Сонымен бірге украин делегациясы Түркиямен және БҰҰ-мен астық экспорты туралы келісімге қол қойды.