«Ауыл» партиясы Шымкентте әйелдер конгресін ұйымдастырды

«Ұлағатты әйел – ұлт ұйытқысы» тақырыбында өткен шараға  «Ауыл» партиясынан ҚР Парламенті Мәжілісінің депутаттығына кандидат Қарақат Әбден, Анна Данченко, София Әбдіразақова  «Қазақ аналары – дәстүрге жол» бірлестігінің негізін қалаушы, актриса Айнұр Жүгінісова, ақын Құрманай Бақтиярқызы, Олимпиада ойындарының күміс жүлдегері Жазира Жапарқұл қатысты, деп хабарлайды Azattyq Ruhy партияның баспаөз қызметіне сілтеме жасап.

Конгресс барша қазақстандық, оның ішінде ауыл әйелдерін қолдау мақсатында ұйымдастырылды.  Жиынға еліміздің төрт түкпірінен келген мыңға жуық қыз-келіншек қатысты. Басқосу барысында ауыл әйелдерінің әлеуметтік жағдайын жақсартуға ықпал жасау және олардың белсенділігін арттыру мәселелері талқыланды. «Ауыл» партиясынан ҚР Парламенті Мәжілісінің депутаттығына кандидаттар осы мәселе төңірегінде өздерінің нақты ұсыныстарын айтты.