«Ауыл» партиясынан депутаттыққа кандидаттар Астанадағы зауытқа барды

Бүгін ҚР Парламенті Мәжілісінің және Астана қаласы мәслихатының депутаттығына «Ауыл» партиясынан кандидаттар «Астана электротехникалық зауыты» ЖШС еңбек ұжымымен кездесті, деп хабарлайды Azattyq Ruhy партияның баспасөз қызметіне сілтеме жасап.

Кездесу барысында кандидаттар үгіт-насихат жұмыстарын жүргізіп, қызметкерлерге партияның сайлауалды бағдарламасының негізгі бағыттарын түсіндірді.

Кездесуге қатысушылар азық-түлік қауіпсіздігін қамтамасыз ету, қалада өмір сүрудің жайлылығы мен қауіпсіздігін қамтамасыз ету туралы айтты.