ҚХП өкілдері Қарағанды облысындағы ауыл тұрғындарымен сөйлесті

1 наурызда Қазақстан Халықтық партиясынан Мәжіліс депутаттығына кандидат Қалел Мақсұтов Қарағанды облысы Қарқаралы ауданының тұрғындарымен үгіт-насихат кездесулерін өткізді, деп хабарлайды Azattyq Ruhy партияның баспасөз қызметіне сілтеме жасап.

Қалел Мақсұтов партияның сайлауалды бағдарламасын таныстырды.

Кездесудің негізгі тақырыбы қоғамды толғандыратын өзекті мәселелерді талқылау болды. Жиынға келгендер ауылдық жерлерде көпбалалы отбасыларға тұрғын үй салу, ауыл шаруашылығын дамыту, зейнетақымен қамсыздандыру және тағы басқа мәселелер туралы әңгімелесті.