ФИФА өткен түнде 2022 жылдың үздіктерін анықтады

ФИФА өткен түнде салтанатты марапаттау рәсімін өткізіп, үздік ойыншыларды анықтады, деп хабарлайды Azattyq Ruhy.

ФИФА The Best сыйлығының иесін анықтады. Бұл – «Алтын доп» жүлдесіне пара-пар, яғни жылдың үздік ойыншысына берілетін сыйлық. Сол сияқты үздік бапкер мен үздік қақпашы да анықталды. Марапаттау рәсімі Францияның Париж қаласында өтті.

Сонымен ФИФА таңдаған үздіктер төмендегідей:

• Лионель Месси – жылдың үздік ойыншысы;
• Алексия Путельяс – әйелдер арасында үздік ойыншы;
• Жылдың үздік құрамасы – төрт бірдей шабуылшы енді;
• Үздік жанкүйер қауым – Аргентина құрамасының жанкүйерлері;
• Фэйр-плей сыйлығы – Лука Локошвили;
• Лионель Скалони – ерлер футболының үздік жаттықтырушы;
• Сарина Вигман – әйелдер футболының үздік жаттықтырушы;
• Марчин Олекси – Пушкаш сыйлығының жеңімпазы;
• Эмилиано Мартинес – ерлер арасында үздік қақпашы;
• Мэри Ирпс – әйелдер арасында үздік қақпашы.