Түркиядан Қазақстанның 13 азаматы мен олардың отбасы ұшақпен елге жеткізілді

Автор: Azattyq Rýhy

Бұл туралы Қазақстанның Түркиядағы елшілігі әлеуметтік желіде жариялады

Қазақстанның Түркиядағы Елшілігі

Түркияның жер сілкінісінен зардап шеккен аймақтарынан Қазақстанның 13 азаматы мен олардың отбасы мүшелері қазақстандық ұшақпен елге жіберілді. Бұл туралы Қазақстанның Түркиядағы елшілігі әлеуметтік желіде жариялады, деп хабарлайды Azattyq Rýhy.

«17 ақпанда Қазақстан Елшілігінің ұйымдастыруымен Түркиядағы жер сілкінісі болған аймақтардан Қазақстанның 13 азаматы мен олардың отбасы мүшелері және Түркияның 2 азаматы Қазақстаннан келген ұшақпен Алматыға қайтарылды», - делінген жазбада.