Кездесу Қостанайдағы «Тобыл Аренада» өтті
«Астана» футболдан Қазақстан Суперкубогын жеңіп алды, деп хабарлайды Vesti.kz.
2020 жыл маусымының ашылуында Михаил Билектің шәкірттері қызылордалық «Қайсарды» жеңді. Қостанайдағы «Тобыл Аренада» өткен кездесу 1:0 есебімен «Астана» пайдасына шешілді.
«40-минутта қақпаға енген жалғыз голдың авторы «Астана» клубының жаңа ойыншысы Пиерос Сотириу болды. Астаналық клуб үшін бұл Суперкубок тарихта бесіншісі (2011, 2015, 2018, 2019). Өткен маусымда «Астана» алтыншы рет ҚПЛ чемпионы атанды», - деп жазады басылым.