Өңірдің Төтенше жағдайлар департаменті тұрғындарға ескерту жасады
Алматы облысы Төтенше жағдайлар департаменті аймақтағы тауларда 17-21 ақпан аралығында қар көшкіні болуы мүмкіндігін ескертті, деп хабарлайды Azattyq Rýhy.
«Алматы облысының аумағында Іле-Алатау тауларының оңтүстік беткейінде Еңбекшіқазақ, Талғар және Қарасай аудандарында 48 көшкін қаупі бар учаске бар. Негізінен қар көшкінінің түсуі температура фонының жоғарылауына және жаңбыр мен қар түрінде мол жауын-шашынның түсуіне байланысты болады», - делінген хабарламада.
ТЖД азаматтарға, туристер мендемалушыларға қарлы беткейлерге шықпау, сондай-ақ таулы жерлерде барлық қауіпсіздік пен мінез-құлық шараларын сақтау қажеттігін ескертті.