Наталья Гаврилица үкіметті бір жарым жыл басқарды
Молдова президенті Майя Санду елдің премьер-министрі Наталья Гаврилицаның отставкасын қабылдады. Ол үкіметті бір жарым жыл басқарды.
Гаврилицаның айтуынша, министрлер кабинеті сыбайлас жемқорлыққа қарсы күрес, даму және еуроинтеграция саясатын жүргізе отырып, «үздіксіз дағдарыс» режимінде жұмыс істеуге мәжбүр болды.
«Қазір ел қауіпсіздік мәселелеріне басымдық беретін жаңа кезеңге аяқ басты», - деп атап өтті Наталья Гаврилица баспасөз мәслихатында.
Ресейдің көршілес Украинаға басып кіруінен кейін Молдованың экономикалық проблемалары шиеленісе түсті: елді энергетикалық дағдарыс пен жоғары инфляция басып алды, оған Молдова аумағына мезгіл-мезгіл ұшатын зымырандар мен Мәскеудің танылмаған Приднестровьедегі жағдайға араласуынан қорқу қосылды.
Молдова заңдары бойынша премьер-министрдің отставкаға кетуі бүкіл Үкіметтің таратылуына әкеледі. Жаңа министрлер кабинетін Парламентпен кеңескеннен кейін ел президенті Майя Санду тағайындайды.