Еліміздің басым бөлігінде жаяу бұрқасын болып, қар жаууы мүмкін
Синоптиктер 7-9 ақпан аралығына арналған ауа райы болжамын жариялады, деп хабарлайды Azattyq Ruhy.
«Қазгидромет мәліметінше, алдағы үш күнде Қазақстан бойынша жауын-шашын болып, ауа температурасы төмендейді.
Қазақстанның басым бөлігіне Жерорта теңізі аудандарынан циклон әсер ететіндіктен, жаяу бұрқасын болып, қар жаууы мүмкін.
«9 ақпанда шығыста қатты қар жауады, оңтүстікте және оңтүстік-батыста жаңбыр мен қар түрінде жауын-шашын болады, қатты жауын-шашын болады. Елдің батысында, солтүстігінде және оңтүстігінде тұман түсіп, оңтүстігінде, оңтүстік-батысында көктайғақ болады. Еуропа аудандарының антициклоны әсерінен түнде батыста және шығыста 13-21 градусқа дейін, солтүстікте 20-28-ге дейін, орталықта 15-26 градус аязға дейін ауа температурасы төмендейді; күндіз батыста 7-12-ге дейін, солтүстікте 15-20-ға дейін, шығыста және орталықта 10-18 градусқа дейін аяз болуы мүмкін», - делінген хабарламада.