Аймақтағы фермерлер күн батареялары мен суды үнемдейтін технологиялар орнатады
Жоба аяқталғаннан кейін бұл фермалар көрме және білім беру алаңына айнала алады
Аймақтағы фермерлер күн батареялары мен суды үнемдейтін технологиялар орнатады, деп хабарлайды Azattyq Rýhy «Атамекен» ұлттық кәсіпкерлер палатасының ресми сайтына сілтеме жасап.
Шағын фермерлік шаруашылықтарда жаңартылатын энергия көздері мен ылғал үнемдейтін технологияларды енгізу жөніндегі жобаны Жапонияның қаржылай қолдауымен ҚР Үкіметі, БҰҰ Даму бағдарламасы және «Атамекен» Ұлттық кәсіпкерлер палатасы іске асырып жатыр.
Өтінімдер жылқы шаруашылығы, етті мал шаруашылығы, құс және қой шаруашылығы, көкөніс шаруашылығы, дәрілік шөптер мен жидектер өсіру, балық шаруашылығы, сүт шаруашылығы, сүт өңдеу сынды 10 бағыт бойынша түсті.
«Фермерлер бүкіл Қазақстан бойынша жиілеп кеткен құрғақшылықтың нақты қаупін атап өтті. Қуаңшылық салдарынан фермерлер шығынға ұшырайды. Жоба аяқталғаннан кейін бұл фермалар көрші шаруа қожалықтарымен тәжірибе алмасу үшін көрме және білім беру алаңына айнала алады», – деп атап өтті БҰҰ Даму бағдарламасы жобасының менеджері Сәулет Сәкенов.
