Иран еуропалықтарға қарсы санкциялар енгізді

Иран Еуропаға қарсы өз санкцияларын енгізді. Ислам Республикасының «қара тізіміне» 30-дан астам жеке тұлғалар мен ұйымдар кірді. Олардың қатарында Ұлыбританияның бұрынғы және қазіргі күштік ведомстволарының басшылары, Париж мэрі, француздық «Шарли Эбдо» журналының бас редакторы, бірнеше күн бұрын Құранды көпшілік алдында өртеуді ұйымдастырған швед саясаткері Расмус Палудан, сондай-ақ бірқатар Парламент депутаттары бар.

Олардың барлығын Тегеран терроризмді қолдады, Иран халқына қатысты зорлық-зомбылық жасады, Республиканың ішкі істеріне араласып, жалған ақпарат таратты деп айыптайды.

«Менің ойымша, олар дүрбелеңге түсіп, өздерін әлсіз сезінеді, сондықтан олар осындай шараларға көшті. Режим өкілдері Еуропалық Парламенттің үнін өшіре алады деп бекер ойлайды. Керісінше, мен өз күш-жігерімізді жалғастыруға және «Ислам революциясының қамқоршыларын» өз халқын қорқытатын, сондай-ақ Ираннан тыс жерлерде террористік әдістерді қолданатын террористік ұйым деп атауға ынталы болдым», - деді Еуропарламент депутаты Тейс Ретен.

Тегеранның бұл қадамы бір апта бұрын Үкіметке қарсы наразылықтарды аяусыз басуға байланысты Ұлыбритания мен ЕО санкцияларына айна тәрізді жауап болды.

Тізімде КСИР басшылары, қауіпсіздік қызметкерлері, аймақтық және үкіметтік шенеуніктер, БАҚ басшылары және бірқатар ұйымдар болды. Иран бұл әрекеттер БҰҰ Жарғысын бұзады деп мәлімдеді.