Екі маңдайы, екі тұмсығы бар: БҚО-да екі басты бұзау туды

Аталмыш жағдай Сырым ауданындағы Қосарал ауылында болды. Бұл туралы Azattyq Ruhy «Астана» телеарнасына сілтеме жасап хабарлайды.

Мал иесі бірнеше күн бұрын туған бұзаудың басқа төлдерден ерекше екенін байқапты. Яғни бұзауда екі бас біріге орналасқан. Төлдің екі маңдайы, екі тұмсығы бар. Екі басты бұзау ауылдықтарды да бір дүрліктіріпті. Бірақ елді шулатқан бұзау бір күн бұрын өліп қалды.

Мамандар мұндай ауытқушылықпен туған төлдің ғұмыры ұзаққа созылмайтынын айтады.