Оқиға 2022 жылдың 4 сәуірі күні Алматыда болған
Аса қатыгездікпен кісі өлтірді деп айыпталған Нұржан Тұрсынбаев 18 жылға бас бостандығынан айырылды, деп хабарлайды Azattyq Ruhy Алматы қаласының сотына сілтеме жасап.
Еске салайық, 2022 жылдың 4 сәуірі күні Алматыда пациент Т. дәрігер Ю.Шумковты аңшы мылтығынан атып өлтірген болатын. Аса ауыр қылмыс қаланың Бостандық ауданында болды. Күдіктіні полицейлер Алатау ауданы аумағында ұстады.
Әйтсе де кейін ҚР Денсаулық сақтау министрі Ажар Ғиният Юрий Шумков пен пациент арасында қандай да бір жанжал болмағанын айтқан еді.