Ақтөбеде жиырмаға жуық көпқабатты үй жылусыз қалды

7 қаңтар күні кешке Ақтөбедегі жиырмаға жуық көпқабатты үй жылусыз қалды, деп хабарлайды Azattyq Rýhy жергілікті «Диапазон» басылымына сілтеме жасап.

Жылу өшкен кезде қаладағы ауа температурасы 26 градусқа дейін төмендеген.

«Түні бойы бізге  «апат болды, адамдар жұмыс істеп жатыр» деп айтылды. Таңертең олар жылытуды қосуға тырысты, бірақ нәтиже болмады, енді олар жылыту жүйесінен суды қайтадан төгіп тастады. Не болғанын түсіндіріңізші? Біздің қалада Екібастұз апаты қайталанып жатыр ма?», - деп жазды басылым.

Aqtobe su-energy group АҚ ақпараты бойынша, Әбілқайыр хан даңғылы 84 бойынша бекіткіш арматураның зақымдалуына және оны ауыстырудың шұғыл қажеттілігіне байланысты ыстық сумен жабдықтау мен жылу беру уақытша шектелді:

Әбілқайыр хан даңғылы 64, 66, 68, 70, 70/1, 72, 74, 76, 78, 80, 82, 84, М. Оспанов көшесі 52, 52/2, 54А, 54Б, 54/1, 54/2, 57 Алдияров көшесі 2,6 г. Жұбанова көшесі 50

Кәсіпорын мамандары жылу камерасындағы жұмысқа кірісті. Олар аяқталғаннан кейін ыстық су мен жылу беру штаттық режимде қайта басталады.

Қалпына келтіру іс-шараларының барысы туралы ақпаратты тәулік бойғы апаттық-диспетчерлік қызметтен 54-19-19, 56-36-87 телефондары арқылы нақтылауға болады.