қазір осы факті бойынша тексеру жүргізіліп жатыр
Екібастұз қаласында жол апатынан жаяу жүргінші қаза тапты, деп хабарлайды Azattyq Ruhy.
23 желтоқсанда сағат 10.45-те жүргізуші «ВАЗ-217030» маркалы автокөлікті басқара отырып, Екібастұз қаласындағы Қ.Нұралин көшесімен жүріп келе жатып, белгіленбеген жерден өтіп бара жатқан жаяу жүргіншіні қағып кетті.
Жол - көлік оқиғасы салдарынан 59 жастағы азамат оқиға орнында қайтыс болды.
«Осы факті бойынша тексеру жүргізілуде. Автокөлік арнайы айыппұл тұрағына қойылды. Тиісті сараптамалар тағайындалды», - деп хабарлады Павлодар облысы ПД баспасөз қызметі.