Сонымен қатар оның үйінен діни кітаптар табылды
Ақтөбеде деструктивті діни ағым өкілінен қару-жарақ табылды, деп хабарлайды Azattyq Ruhy Polisia.kz-ке сілтеме жасап.
Ақтөбе облысы ПД ҰҚҚКБ қызметкерлері ұйымдасқан қылмыстық топтың мүшесі болатын және деструктивті діни ағымды ұстанушы, Алға ауданының тұрғынының үйіне тінту жүргізді.
«Макаров» тапаншасы, 12 калибрлі «Mossberg» маркалы аңшы мылтығы, 9 калибрлі 38 дана тапанша оқтары, 12 калибрлі 19 дана оқ дәрілер, аңшы пышағы, оқ салғыш белдігі және 18 дана діни әдебиеттер тәркіленді. Аталған дерек Алға ауданы ПБ ҚР ҚК 287 бабы 3 бөлігі бойынша сотқа дейінгі тергеп басталды», - делінген хабарламада.
Жинақталған дәлелдемелер негізінде Алға ауданы тұрғынының қылмыстық іс-әрекеті әшкереленіп ҚР ҚПК 128 бабы тәртібінде Алға ауданы ПБ УҰИ қамалды.