Футболдан ӘЧ: қазақстандықтар жартылай финал көрсетілімін қайдан қарай алады

Қазақстандықтар футболдан әлем чемпионатының жартылай финалының тікелей көрсетілімін Qazaqstan және Qazsport телеарналарынан қарай алады, деп хабарлайды Azattyq Ruhy агенттігі Sports.kz сайтына сілтеме жасап.

Желтоқсанның 13-інен 14-іне қараған түні Қатар елінің Лусаил қаласында алғашқы жартылай финалдық ойын – Аргентина мен Хорватияның кездесуі өтеді. Екінші жартылай финалда, яғни 14-інен 15 желтоқсанға қараған түні Әл-Хаур қаласында Франция құрамасы Марокко құрамасымен кездеседі.

Айта кетсек, Франция құрамасы қазіргі әлем чемпионы, сонымен қатар 2022 жылғы әлем чемпионатындағы жеңіске басты үміткер.

Еске салайық, Хорватия құрамасы Бразилия құрамасын пенальтиде жеңіп, жартылай финалға өткен болатын. Аргентина да Голландия құрамасын пенальтиде жеңіп, жартылай финалға жолдама алды. Марокколықтар Португалия құрамасын сенсациялық түрде жеңіп, жартылай финалға жолдама алды.