Шымкентте көпқабатты үйде газ баллоны жарылып, бір адам ауруханаға түсті
Мамандар оқиғаның себеп-салдарын анықтауда
Шымкент қаласында Желтоқсан көшесі бойындағы көпқабатты тұрғын үйде жарылыс болды, деп хабарлайды Azattyq Ruhy.
Шымкент қаласы ТЖ департаментіне 6 желтоқсанда сағат 16:27-де 9 қабатты тұрғын үйде жарылыс туралы хабарлама келіп түскен.
Алғашқы болып оқиға орынан келген өрт сөндіру бөлімшелері 1 қабатындағы дүкеннің ішіне жөндеу жұмыстарын жүргізу кезінде газ ауа қоспасы жарылғанын анықтады. Соның салдарынан көлемі 10 ш.м. пластикалық құбырлар жанған. 2002 жылы туған ер адам жарақат алып, ауруханаға жатқызылды.
«Өрт сағат 17:02-де оқшауланып, сағат 17:18-де толығымен сөндірілді. Өрттің шығу себебі анықталуда. Оқиға орнына Шымкент қалалық ТЖД Өрт сөндіру қызметінің 11 қызметкері мен 2 дана техникасы, Апаттар медицинасы орталығы филиалының 1 бригадасы жұмылдырылды», - делінген Шымкент қалалық ТЖД қоғаммен байланыс тобының хабарламасында.
