Астанада шорт-тректен «ASTANA-OPEN» ашық чемпионаты өтеді

29-30 қараша күндері елордадағы «Алау» мұз сарайында шорт-тректен «ASTANA-OPEN» ашық қала чемпионаты өтеді. Бұл туралы Астана қаласы әкімдігінің ресми сайтында жарияланды, деп хабарлайды Azattyq Rýhy.

Бұл чемпионатта алдағы қысқы маусымға үздік спортшылардан тұратын Астана қаласының құрама командасы жасақталады. Жеңімпаздар әр жас тобындағы және әр қашықтық бойынша жеке біріншіліктерде анықталады.

Жарысқа еліміздің Ақмола, Қостанай, Қызылорда, Солтүстік Қазақстан облысы және Астана қаласынан 180 қатысушы тіркелген. Олар екі күн бойы өздерінің бақтарын сынайтын болады. Сонымен қатар, аталған жарысқа халықаралық дәрежедегі спорт шебері, әлем кубогі мен әлем біріншіліктерінің жүлдегері Абзал Әжғалиев құрметті қонақ ретінде шақырылған.