Еуроодақтың Қазақстанға қызығушылығы жоғары – француз бақылаушысы

Алматыдағы ҚР президентінің сайлауын жариялауға арналған баспасөз орталығының алаңында бақылаушы, Франция сенаторы, Еуропа істері жөніндегі тұрақты комиссия төрағасының орынбасары,  Заңнама жөніндегі тұрақты комиссияның хатшысы Андре Марсель Рейшардың қатысуымен баспасөз мәслихаты өтті, деп хабарлады Azattyq Ruhy.

Ол Алматыда сайлау процесі штаттық режимде өтіп жатыр деп есептейді.

«Қазақстан Еуропалық Одақтың қызығушылығын туғызып отыр.Өйткені Ресей Федерациясы мен Қытай Халық Республикасы сияқты ірі елдермен көршілес орналасқан», - деді спикер.

Андре Марсель Рейшар таңертең Алматыдағы төрт сайлау учаскесіне барып үлгергенін, түстен кейін тағы тағы төрт сайлау учаскесіне баруды жоспарлап отырғанын айтты. Содан кейін ғана толық пікір білдіре алатынын алға тартты.