Республика бойынша тұман түсіп, көктайғақ болады
Синоптиктер 10 қарашаға арналған ауа райы болжамын жариялады, деп хабарлайды Azattyq Ruhy.
«Қазақстанның басым аумағында атмосфералық өзгерістер әсерінен ауа райы тұрақсыз сақталады, солтүстігінде, шығысында, оңтүстік-шығыстың таулы аудандарында қар жауады», - делінген «Қазгидромет» хабарламасында.
Еліміздің басым бөлгінде тұман, солтүстігінде, шығысында көктайғақ, солтүстігінде, шығысында, орталығында жел күшейіп, жаяу бұрқасын болады.
Астанада көшпелі бұлт шығады, кей жерлерде аздаған қар жауады, көктайғақ болады. Оңтүстік-батыстан соғатын жел секундына 9-14 метрге жетеді. Ауа температурасы түнде -2-4, күндіз 0-2 градус болады.
Алматыда көшпелі бұлт шығады, жауын-шашынсыз ауа райы болады. Жел секундына 0-5 метрге жетеді. Ауа температурасы түнде -1-3 аяз, күндіз +4+6 градус болады.
Шымкентте көшпелі бұлт шығады, жауын-шашынсыз ауа райы болады. Түнде кей уақытта тұман түседі. Шығыстан соғатын жел секундына 3-8 метрге жетеді. Ауа температурасы түнде -2-4, күндіз +9+11 градус болады.