Әрбір алтыншы тұрғын өзге елде дүниеге келген: Ұлыбританияда халық санағы өтті

Ұлыбританияда халық санағының нәтижесі жарияланды. Соңғы 10 жыл ішінде Англия мен Уэльстің халқы шамамен 3,5 миллион адамға өскен. Алайда олардың 2,5 миллионы шетелде дүниеге келгені белгілі болды, деп хабарлайды Azattyq Ruhy.  

BBC агенттігінің хабарлауынша, Англия мен Уэльстің әрбір алтыншы тұрғыны Ұлыбританиядан тыс жерде дүниеге келген. Тұрғындардың көпшілігі Үндістанда туған. Олардың саны – 920 мың адам. Үдістаннан кейін Польша мен Пәкістанда туғандар тізімі көш бастайды. Төртінші орынға Румыния шықты.

Халық санағы арасындағы  соңғы 10 жыл ішінде Румынияда туған Англия мен Уэльс тұрғындарының саны 576%-ға өсіп, 539 мың адамға жеткен. Румыния мен Болгария 2007 жылы Еуропалық одаққа кірді. Бірақ Тұманды Альбионға қоныс аударған болгарлықтар жоқ.

2011 жылы Ұлыбритания ЕО құрамына кірді, бірақ 2020 жылы 2016 жылғы Брексит референдумынан кейін ресми түрде шықты.

Еуропаның Ирландия, Италия және Германия елдерінен келген мигрантар алғашқы тоғыздыққа кіреді. Сонымен қатар Бангладеш, Нигерия және Оңтүстік Африка елдерінен ағылғандар да аз емес. Есесіне, ресейлік мигранттар саны мүлде аз болып шықты.

Ұлыбританияда халық санағы 2021 жылы жүргізіліп, нәтижесінде тұрғындардың саны 59,6 млн адамды құрады. ЕО-да туып, кейін осы елдің азаматы атанған адамдардың саны 1,1 млн-ды құрайды.

СОЛТҮСТІК КОРЕЯ ТАҒЫ ДА БАЛЛИСТИКАЛЫҚ ЗЫМЫРАН ҰШЫРДЫ

Солтүстік Корея тағы да Шығыс теңіз бағытында белгісіз типтегі баллистикалық зымыранды ұшырды. Оңтүстік Корея әскери күштерінің мәліметінше, КХДР орташа немесе ұзақ қашықтықтағы зымыранды ұшыруы мүмкін.

Ракетаның жанармайы мен оқтұмсығы бір-бірінен бөлініп кеткен. Қауіпті ракета тіптен Жапония территориясының үстінен ұшып өткен.

Бұған дейін де, 2 қарашада Солтүстік Корея Жапон теңізіне қарай қысқа қашықтықтағы баллистикалық зымыранды ұшырды. Зымырандардың бірі 1950-53 жылдардағы Корея соғысы аяқталғаннан кейін алғаш рет Оңтүстік Кореяның теңіз шекарасы арқылы өткен.

Getty Images

Солтүстік Корея сәрсенбіде кем дегенде 10 баллистикалық зымыран ұшырған еді. Бұл КХДР көшбасшысы Ким Чен Иннің басшылығымен бір күнде атылған ең көп ракета болып саналады. Пхеньян АҚШ өзінің серіктестерімен, соның ішінде Оңтүстік Кореямен әскери жаттығуларды тоқтатпаса, «күшті шаралар» жасаймын деп қорқытқаннан кейін шамамен бір күн өткен соң ракеталарды ұшыра бастаған. Бұл ядролық қаруды қолдану қаупі ретінде қабылданды.

Оңтүстік Корея президенті Юн Сук Юль қандастарының бұл әрекетін аумақтық құқықбұзушылық деп атады. Сеул Пхеньянның әрекеттеріне теңіз шекарасының Солтүстік Корея жағындағы халықаралық суларға үш әуе-жер зымыранын ұшыру арқылы жауап берді. КХДР АҚШ пен Оңтүстік Кореяның жаттығуларына байланысты ядролық қаруды қолданамын деп қорқытуда.

Оңтүстік Кореяның Көлік департаменті қауіпсіздік мақсатында түбектің шығысындағы кейбір әуе жолдарын жауып тастағанын хабарлады.