Ақтөбеде алаяқтық жасаған әкімдік аппаратының бұрынғы басшысы 3 жылға сотталды

Жәбірленуші «Kaspi Gold» арқылы шенеунікке 1 миллион теңгеден астам қаржы аударған

фото: egemen.kz

Ақтөбе қаласының №2 сотында ҚР Қылмыстық кодексінің 190-бабы бойынша айыпталған Ақтөбе қаласы әкімі аппаратының бұрынғы басшысына қатысты қылмыстық іс қаралды, деп хабарлайды Azattyq Ruhy.

«Ақтөбе қаласы әкімі аппаратының бұрынғы басшысы өзінің қызметтік бабын пайдалана отырып, 2020 жылғы сәуір-тамыз айларында жер телімін алып беремін деп танысын алдап, одан 1 383 915 теңге ақша алған. Сотталушы кінәсін толық мойындады», - деп көрсетті соттың баспасөз қызметі.

Сот үкімімен экс-шенеунік мемлекеттік қызметтегі лауазымдарды атқару құқығынан өмір бойына айырылып, 3 жылға сотталды.

Сот үкімі әзірге күшіне енген жоқ.

Мақалада

#Сот шешімі #алаяқтық #шенеунік

Алдыңғы жаңалық

Ауа райына байланысты Шымкент әуежайында 5 рейстің ұшу уақыты шегерілді