Киіктердің неден өлгенін анықтау үшін сынама алынды
Батыс Қазақстан облысының Тау ауылдық округі маңында 5 бас киіктің өлексесі табылды, деп хабарлайды Azattyq Ruhy Хабар 24-ке сілтеме жасап.
Сол жерге аудандық полиция бөлімінің және «Охотзопром» кәсіпорнының қызметкерлері жеткен. Ветеринарлар арнайы сараптама тағайындап, зерттеу жұмыстарын жүргізіп жатыр. Дала жануарларының неден өлгенін олардың ішкі құрылысынан алынған сынамалар қорытындысы анықтамақ.
«Жалпы табиғи өліммен киік жануарлары өледі, бар ондай фактілер. Осы орайда облысымызда арнайы іс-қимыл схемасы бар жергілікті атқарушы органдармен жасақталған. Барлық өлген төшкелер мал моласында өртеліп жойылып жатады», - деді облыстық орман шаруашылығы және жануарлар дүниесі аумақтық инспекциясының бас маманы Арман Ізімғалиев.