Қазгидромет ауа райына байланысты төрт өңірде ескерту жариялады

Қазгидромет ауа райына байланысты еліміздің төрт өңірінде ескерту жариялады, деп хабарлайды Azattyq Ruhy.

Күндіз Ақтөбе облысының солтүстік-батысында оңтүстік-батыстан екпіні 16 м/с жел соғады.

Батыс Қазақстан облысының солтүстігінде тұман түседі, Орал қаласында түнде және таңертең дала тұманды болады.

Жетісу облысының солтүстік-шығысында оңтүстік-батыстан жел соғады, екпіні – 15-20 м/с жетеді.  

Күндіз Солтүстік Қазақстан облысының солтүстігінде, шығысында оңтүстік-шығыстан екпіні 15-20 м/с-қа дейін жететін жел соғады.

Петропавлда күндіз оңтүстік-шығыстан жел соғады, екпіні – 15-20 м/с құрайды.