Волонтерлар президент сайлауына Тоқаевтың кандидатурасын ұсынды

Ұлттық волонтерлік желісі президент сайлауына Қасым-Жомарт Тоқаевтың кандидатурасын ұсынды, деп хабарлайды Azattyq Ruhy тілшісі Informburo.kz сайтына сілтеме жасап. 

«Президент еріктілерге ниеті таза, ар-ожданы биік асыл адамдар ретінде сенеді. Бұл шабыттандырмай қоймайды. Біз Қазақстан Президентіне сенім мандатын беру барлық ауқымды реформаларды жүзеге асыруға мүмкіндік беретініне сенеміз. Мемлекеттік бағдарламалар халық мүддесі үшін және еліміздің гүлденуі жолында жүзеге асырылып жатыр. Біздің президентіміз волонтерлар қозғалысын қолдайды, сондықтан біз де президентімізге қолдау көрсетейік», - деді Ұлттық волонтерлік желісінің төрайымы Вера Ким еріктілер ұйымдарының отырысында.

Вера Ким соңғы жылдары Қазақстандағы волонтерлік қозғалыс жалпыұлттық ауқымға ие болғанын айтты. 
Қазірдің өзінде елімізде 600-ден астам волонтерлік ұйым болса, оның құрамында  200 мыңнан астам волонтер бар. 

Ұлттық волонтерлік желісінің төрайымы Президент Қасым-Жомарт Тоқаевтың волонтерлік қызметті дамытуға қосқан үлесін атап өтті. 

«Оның тікелей қолдауымен волонтерлік қызметті дамытудың республикалық және халықаралық деңгейде стратегиялық құжаттары қабылданды. Президент 2020 жылды «Еріктілер жылы» деп жариялау бастамасын қолдады. Бұл волонтерлік жобаларға гранттарды әзірлеуге, белсенділігі үшін 5000 қазақстандыққа мемлекеттік награда – «Халық Алғысы» медалін тағайындауға және тапсыруға ықпал етті», - деді Вера Ким.