БҚО-да шекараны қорғау үшін ҰҚК қосымша күш тартып жатыр деген ақпарат рас па
ҚР ҰҚК Шекара қызметі бұл ақпаратты жоққа шығарды
Қазнетте ҚР ҰҚК Шекара қызметінің формасындағы адамдардың суреті тарады. Онда фотосуреттің БҚО-да түсірілгені және Ресеймен шекараны қорғау үшін қосымша күш тартылды деп жазылған, деп хабарлайды Azattyq Ruhy.
Stopfake.kz хабарлауынша, ҚР ҰҚК Шекара қызметі бұл ақпаратты жоққа шығарды.
«Бұл ақпарат шындыққа жанаспайды», - деп хабарлады ведомствоның баспасөз қызметі.
Тақырыпқа орай: «Қазақстан Ресейге әскери техника жөнелтті»: Қорғаныс министрлігі даулы видеоға қатысты түсініктеме берді
Соңғы уақытта Қазнетте ҚР шекарасын қорғауға және елдегі криминогендік жағдайға қатысты фейктер көп таралуда. Бұған дейін біз Қазақстанның Ресеймен шекараны жауып тастағаны, сондай-ақ Қостанайда қарулы ер адамдардың баладан ұялы телефон тартып алғаны туралы жалған ақпараттар тараған болатын.
