Қазақ боксшысының Альвареспен үшінші жекпе-жегі осы қалада өтеді
Геннадий Головкин Сауль «Канело» Альвареспен үшінші жекпе-жекке соңғы ре дайындық жасау үшін Лас-Вегасқа ұшып барды. Бұл туралы боксшы Instagram парақшасында мәлім етті, деп хабарлайды Azattyq Ruhy.
«Вегастамыз. Жекпе-жек аптасына дайынбыз», - деп жазды Геннадий Головкин желідегі парақшасына.
Еске салайық, 2017 жылы Головкин мен Альварес арасындағы кездесу 12-раундта тең есеппен тартысты аяқталған болатын. Реванш-матчта «Канело» төрешілер шешімімен жеңіске жетті деп саналды.
Үшінші кездесуде қарсыластар екінші орта санаттағы абсолютті әлем чемпионы атағына таласады. Кездесу бұған дейінгі екі бокс кеші өткен T-Mobile аренасында өтеді.