Киев Украинаның оңтүстігі мен шығысындағы жетістіктер туралы мәлімдеді

Украинаның қарсы шабуылы оңтүстік пен шығыста сәтті өтті және сенімді дәлелдермен расталады. Бұл туралы соғысты зерттеу институты мәлімдеді, деп хабарлайды Azattyq Ruhy тілшісі шетелдік БАҚ-қа сілтеме жасап.

Институттың мәліметінше, Украинаның қарулы күштері Херсон облысының батысында бірнеше бағытта алға жылжып, Донецк облысындағы Солтүстік Донецк өзенінің қарама-қарсы жағалауындағы аумақты алып жатыр.

Алдымен оңтүстікке бет бұрсақ.

Украина президенті елдің оңтүстігінде аты аталмаған екі елдімекеннің босатылғанын жариялап, «Украинаның туы нақты тұруы тиіс орындарға қайта қойылып жатыр» деді.

Украиналық шенеуніктер геолокация туралы мәліметтермен бөлісіп, онда Украина Қарулы күштерінің жауынгерлері Херсон облысының Высокополь қаласындағы аурухана ғимаратының үстіне өз туын көтергенін айтты.

Бұл кей ресейлік әскери блогерлер арасында сыни пікірлер туғызды, ал Ресейдің Қорғаныс министрлігі әлі де украин күштері «сәтсіз шабуыл әрекеттерін» жүргізіп отыр деп мәлімдейді.

МӘСКЕУДЕ ЖУРНАЛИСТ ИВАН САФРОНОВ 22 ЖЫЛҒА БАС БОСТАНДЫҒЫНАН АЙЫРЫЛДЫ

Мәскеу қалалық соты сатқындық туралы іс бойынша журналист Иван Сафроновты мемлекетке опасыздық жасады деген айыппен 22 жылға қатаң режимдегі колонияға қамау туралы үкім шығарды.

«Сафроновқа қатаң режимдегі түзеу колониясында жазасын өтей отырып, 22 жыл мерзімге бас бостандығынан айыру жазасы тағайындалсын», - делінген үкімде.

Оған қоса, Сафроновқа 500 мың рубль көлемінде айыппұл салынды. Адвокаттар қазірдің өзінде апелляцияға берді.

Мемлекеттік айыптау Сафроновты 24 жылға бас бостандығынан айыруды және жарты миллион рубль айыппұл салуды талап етті. Ол екі жыл бұрын қамауға алынды. Журналист құпия ақпаратты чех және неміс барлау агенттеріне берді деп айыпталды. Берілген құжаттарда, айыптау бойынша, ресейлік қаруды экспорттау және Ресей әскерлерінің Сирияға әрекеттері туралы айтылады.

Сафронов журналистік қызметі үшін қудаланғанын және кінәлі емес екенін айтты.  

«Егер адамға өз жұмысын істегені үшін 22 жыл берілсе, мені көріп отырған тілшілерге осы мамандықты ары қарай жалғастырудың қажет бар ма, жоқ па, соны ойланыңыздар дейтін едім», — деді адвокат Дмитрий Качив.

«КӨМЕК ТОҚТАТЫЛМАЙДЫ»: ЕУРОПА ОДАҒЫНЫҢ УКРАИНАМЕН СОҒЫС КЕЗІНДЕГІ ЫНТЫМАҚТАСТЫҒЫ

Украинадағы соғыс 200 күн бойы жалғасып келеді. Дәл осы уақытқа премьер-министр Денис Шмыгаль Брюссельге сапарын орайластырып келген. Ол Еуропалық Одақ өкілдерінен әскери қолдауды, қаржылық көмекті және Ресейге қарсы қатаң шараларды сұрады. ЕО Қауымдастығы Кеңесінің 8-отырысы басталмас бұрын Украина туралы Шмыгаль Twitter-де жазба қалдырды.

«Біз Еуропалық Одаққа ортақ жеңісімізге сенгені үшін ризамыз. Біз бірге Еуропамыз!», - деп жазды ол.

Оған ЕО-ның сыртқы саясат жөніндегі Жоғарғы өкілі былай деп жауап берді:

«Бүгінгі кездесудің бүкіл әлемге басты хабары – Еуроодақ Ресейге қандай қауіп төндірсе де, қандай шабуыл жасаса да, Украинаны қолдауды жалғастырады. Біз қажетті көлемде және қажет болғанша саяси, қаржылық, гуманитарлық және әскери қолдау көрсететін боламыз», - деді Жозеп Боррел.  

Қазіргі уақытта Еуроодақ  елге соғыс кезінде үкіметті ұстап тұру үшін 2,2 миллиард еуро көлемінде макрофинанс көмегін берді. Ол сонымен бірге Украинаға еуропалық бейбітшілік қоры арқылы 2,5 миллиард еуроға әскери техника берді. Сонымен қатар Еуропалық комиссия 500 миллион еуроға «Жаңа гуманитарлық көмек» бағдарламасын іске асыруға қол қойды. Бірақ бұл жеткілікті ме? Бұл сауалға Германия Маршалл қорының өкілі білай деп тіл қатты.

«Бұл қажетті минимум. Халықаралық валюта қорының бағалауынша, Украинаға айына шамамен 5 миллиард доллар қажет. Менің ойымша, Еуропалық Одақ уәде еткен 9 миллиард сома жеткіліксіз»,- деді Германия Маршалл қорының (АҚШ) қызметкері Якоб Киеркегаард.

Кьеркегаардтың айтуынша, қазіргі уақытта Еуроодақтың қаржылық қолдауы АҚШ пен жекелеген мүше елдерден әлдеқайда көп келетін әскери көмекке қарағанда маңызды. Отырысқа қатысушылар таразыны Украинаның пайдасына тартудың тиімді әдісі Ресейге қарсы санкциялар екенін тағы да атап өтті.

ОПЕК+ ЕЛДЕРІ АЛҒАШ РЕТ ЖЫЛДЫҚ МҰНАЙ ӨНДІРУДІ АЗАЙТАДЫ

Қазан айында мұнай өндіру тәулігіне 100 мың баррельге азаяды деп шешті ОПЕК және ОПЕК + министрлік отырысына қатысушылар.

Бұған мұнай экспорттаушы елдер ұйымының (ОПЕК) мүшелері және оның бірқатар серіктес мемлекеттері (ОПЕК+) бейнеконференция режиміндегі 32-министрлік кездесудің қорытындысы бойынша келісті.

«Тек 2022 жылдың қыркүйегіне өндіріс деңгейін тәулігіне 100 мың баррельге арттыру керек», - деп атап өтілді жиында.

«Өткен айда өндірісті түзету тұтынушылар талабына реакция ретінде жүргізілді, осы айдағы түзетуде өндірушілер алаңдаушылығы аз болды», - деп түсіндірді Standard Chartered көпұлтты талдаушысы Эмили Эшфорд.

Өндірісті қысқарту туралы шешім жылына алғаш рет қабылданды

Өндірісті қысқарту туралы шешім биыл лғаш рет қабылданды. Жазда АҚШ президенті Джо Байден Сауд Арабиясынан мұнай өндіру көлемін ұлғайтуды сұрады. Тамыз айында Reuters агенттігі өндірістің сол кездегі өсуін «әлемдік сұраныстың 86 секундын» қамтамасыз ететін «аз ғана» өсім және Ақ үй басшысын «қорлау» деп атады.

Шілде және тамыз айларында квотаны ұлғайту

Маусым айында елдер коронавирустық пандемия кезінде мұнайға сұраныстың төмендеуінің әсерін өтеу үшін шілде-тамыз айларында мұнай өндіру квотасын күніне 648 000 баррельге арттыруға келісті. ОПЕК-тегі ең ірі мұнай өндіруші Сауд Арабиясы алдымен бұл қадамға барғысы келмеді. Бірақ соңында Эр-Рияд Украинадағы соғысқа байланысты бірқатар елдер Ресейден мұнай сатып алудан бас тартқан жағдайда нарықтағы тапшылықты болдырмауға келісті, деп жазды Financial Times. ОПЕ + тобына мұнай экспорттаушы елдер ұйымының (ОПЕК) 13 мүшесі, сондай-ақ Ресейді қоса алғанда, 10 серіктес мемлекет кіреді.