Құтқарылғандардың жартысына жуығы – балалар
Семейде бүгін түнгі сағат 00:30 кезінде Засядько көшесінде орналасқан онқабатты жатақханадан өрт шықты, деп хабарлайды Azattyq Rýhy тілшісі altaynews.kz-ке сілтеме жасап.
Басылымның хабарлауынша, өрт бірінші қабатта тұтанған.
«Құтқарушылар өрттен 110 адамды эвакуациялаған. Олардың 50-і - балалар. Тағы 135 адам өртеніп жатқан үйден өздері шығып үлгерген. Өрт бір сағаттың ішінде сөндірілді», - дейді ШҚО ТЖД баспасөз қызметінің өкілдері.
Құтқарушылардың айтуынша, оттың тұтануына өрт қауіпсіздігінің сақталмауы әсер еткен.