Елімізде ормандарды зақымдағаны үшін қылмыстық жауапкершілік қарастырылған

Қазақстанда ормандарды жойғаны немесе зақымдағаны үшін қылмыстық жауапкершілік қарастырылған. Бұл туралы ҚР ІІМ Тергеу департаменті басқармасының бастығы Ермек Шүлден мәлім етті, деп хабарлайды Azattyq Rýhy.

"ІІМ қолданыстағы заңнамаға сәйкес, ормандарды жою немесе зақымдағаны үшін қылмыстық жауапкершілік көзделгенін ескертеді. Орман қорына кіретін және кірмейтін ағаштар мен бұталарды өрт қою жолымен немесе қалдық, қоқыстармен ластау арқылы, өзге де қауіпті тәсілдерімен қасақана жою, зақымдау ҚР Қылмыстық кодексінің 341-бабымен сараланады. Бұл қылмыс ауыр қылмыс санатына жатады және ол үшін мүлкін тәркілей отырып, 8 жылға дейін бас бостандығынан айыру жазасы көзделген", - деді ІІМ өкілі.