Ол эвакуациялау шараларынан бас тартқан
Қостанай облысы Әулиекөл ауданындағы өрт салдарынан Аманқарағай ауылында бір адамның мәйіті табылды. Бұл туралы ҚР Төтенше жағдайлар министрі Юрий Ильин мәлім етті, деп хабарлайды Azattyq Rýhy.
Марқұм учаскелік инспектор эвакуцияламақ болғанда, көмектен бас тартқан
«Түнгі сағат 00.00-дегі жағдай бойынша баяндағанымда зардап шеккендер мен қайтыс болғандар туралы мәлімет болмаған еді. Бүгін таң атысымен үйінділерді аршыған кезде Аманқарағай елдімекенінде кісі өлімін анықтадық. Бұл 1936 жылы туған мүгедектігі бар адам болып шықты. Тұрғындарды эвакуациялау кезінде учаскелік инспектор оны да хабарландырған, азамат эвакуациялау шараларынан бас тартқан. Сонда да кісі өлімі фактісі бойынша тергеу шаралары жүреді, - деді министр.