Алматыда аурухана меңгерушісі 19 жастағы санитарды соққыға жыққан - жауапты ведомство түсініктеме берді

Алматыдағы №7 қалалық аурухананың бөлім меңгерушісі 19 жастағы санитарды соққыға жыққан. Қалалық қоғамдық денсаулық сақтау басқармасы оқиғаға қатысты түсініктеме берді, деп хабарлайды Azattyq Rýhy Sputnik Қазақстанға сілтеме жасап.

"№7 қалалық клиникалық аурухананың науқастарды қолдау және ішкі аудит қызметіне қабылдау бөлімінің қызметкерлері арасында жанжал туындағаны туралы хабарлама келіп түсті. Мән-жайды анықтау үшін бөлімнің медицина қызметкерлерімен, оның ішінде бөлім басшысы және санитармен сұхбат жүргізілді. Ішкі аудит қызметіне қабылдау бөліміндегі жұмыс барысын және микроклиматты қадағалау бойынша тапсырма берілді", - деп мәлімдеді қоғамдық денсаулық сақтау басқармасының баспасөз қызметі.

Сондай-ақ басқармадағылар бүгін, 22 тамызда қабылдау бөлімінің барлық қызметкерінің қатысуымен кадрлық кеңес өткізу жоспарланып отырғанын хабарлады. Барлық мән-жай анықталғаннан кейін тиісті шаралар қолданылады.

Еске салсақ, бұған дейін әлеуметтік желіде №7 қалалық аурухананың қабылдау бөлімінің меңгерушісі санитарлық қызметкерді соққыға жыққаны туралы хабарланған.

Жәбірленуші еңбекке жарамсыздығына байланысты демалыс алып, сараптамадан өткен. Санитардың ата-анасы полицияға арызданған.

Сонымен қатар жәбірленушінің әріптестері хабарлағандай, бұл меңгеруші дәрігердің бірінші рет күш қолдануы емес. Ол қызметкерлерге психологиялық қысым көрсетуді әдетке айналдырған.