Соққы салдарынан жеті адам қаза тауып, 17 адам жараланды
Ресей әскерлері Украинаның Харьков қаласына оқ жаудырып, жатақхана ғимаратын қиратты. Соны салдарынан жеті адам қаза тапты, деп хабарлайды Azattyq Ruhy ресейлік ВВС жаңалықтар қызметіне сілтеме жасап.
Украина билігі сәрсенбі күні кешке ресейлік зымыран соққысының салдарынан Харьковтағы жатақхана қирағанын хабарлады. Харьков мэрі Игорь Терехов жазған соңғы мәліметтерге сәйкес, кем дегенде жеті адам қайтыс болып, 17 адам жарақат алған.
Харьковтың солтүстік-шығысында орналасқан бұл жатақхана қаланың ең үлкен ауданына жатады және соғыс кезінде жиі оқ астында қалып жатыр. Оның солтүстік бөлігі ресейлік зымырандар мен снарядтан қатты зардап шегіп, негізгі бөлігі қираған.
Жергілікті билік соққы Украина уақыты бойынша кешкі 21:30-да болғанын, зымыранның құлауы салдарынан үш қабатты тұрғын үй қирағанын растады.
Харьков облыстық Азаматтық қорғаныс басқармасының басшысы Иван Сокол ғимаратқа Ресейдің калибрлі зымыраны кіргенін жобалап, ғимаратта қанша адам тұрғанын айтты.
«Жатақханада болжамды ақпарат бойынша 30-дан астам адам тұрады, олардың арасында балалар мен зейнеткерлер де бар», - деді И. Сокол.
Харьковтағы жағдай туралы Украина президенті Владимир Зеленский түсініктеме берді. Президент бұл бүкіл Украина үшін ауыр жағдай екенін айтып, аталған жағдайды «ешқандай негізі жоқ, агрессордың әлсіздігін көрсететін, бейбіт адамдарға жасалған қастандық» деп атады.
Ресей қарулы күштері Харьковқа жасалған соңғы соққы туралы әлі түсініктеме берген жоқ.